Գումար կանխիկացնել

Tinkoff և ցանկացած այլ բանկի բանկոմատներում: Սահմանաչափերը պահպանելու դեպքում միջնորդավճար չի գանձվի։ Գտնել մոտակա բանկոմատը

Որքա՞ն է դեբետային քարտից կանխիկացման միջնորդավճարը:

0 ₽ հետևյալ երկու պայմանի դեպքում.

• գումար հանել Tinkoff բանկոմատներից կամ հանել մեկ անգամով առնվազն 3000 ₽ այլ բանկերի բանկոմատներից;
• չգերազանցել քարտերի կանխիկացման սահմանաչափը հաշվարկային ժամանակահատվածի համար․ 100 000 ₽՝ ցանկացած բանկոմատներից, 500 000 ₽՝ Tinkoff բանկոմատներից։

Այլ դեպքերում կանխիկացման միջնորդավճարը կկազմի․

• 90 ₽՝ այլ բանկերի բանկոմատներից 3000 ₽-ից պակաս կանխիկացնելու համար;
• 2%, բայց նվազագույնը 90 ₽՝ ամսական սահմանաչափը գերազանցելու դեպքում կանխիկացնելու համար:

Tinkoff բանկոմատներում՝ ոչ ավելի, քան 1 000 000 ₽ մեկ գործարքի համար: QR կոդով կանխիկ գումար հանելիս՝ միաժամանակ մինչև 600 000 ₽:

Այլ բանկոմատներն ունեն կանխիկացման իրենց սահմանաչափը: Սահմանաչափի մասին տեղեկատվությունը սովորաբար ցուցադրվում է բանկոմատի էկրանին գործարքը կատարելուց առաջ, օրինակ՝ 5000 ₽ կամ 75 000 ₽ մեկ գործարքի համար:

Եթե ձեր սմարթֆոնը չի աջակցում անհպում վճարումներին, Tinkoff հավելվածում ստեղծեք QR կոդ որոշակի գումարի համար:

QR կոդ ստեղծելու և դրա միջոցով գումար հանելու համար բջջային հավելվածում.

1. Սեղմեք «Платежи»  → «Действия»  → «Снять наличные»  → ընտրեք հաշիվը և մուտքագրեք այն գումարը, որը ցանկանում եք հանել  → «Получить QR‑код»։
2. Մոտեցրեք QR կոդը բանկոմատի սկաներին․ այն կճանաչի կոդը և գումար կտրամադրի:

Կանխիկացման QR կոդը գործում է 24 ժամ:

Եթե կասկածում եք, որ ձեր կանխիկացման QR կոդը գողացել են, չեղարկեք այն Tinkoff հավելվածում: Դա անելու համար հիմնական էկրանին սեղմեք «Траты»  → ընտրել QR կոդը  → «Отменить QR-код»։